كلمات - هند أحمد / من جمعية كيان للأيتام 

ياهاجسي هات القصيد وْ تغنّى 

الليلة الموقف كبير وْ مثالي

ودي اسوق الشعر ذوقٍ وفنّى  

واكتب من القيفان در الجزالي 

قصيد في أسمى وباسم اليتاما 

وتخص دار المرجله و المعالي 

في يوم كنا جاهلين بـ نسبنا 

فيه السعاده شفنا أعوام طوالي 

ارض الوطن والخير مصدر فخرنا 

 اللي ربيت بـ فضله طول الليالي 

يومي صغيره منهو اللي حملنا 

وكنت مجهولة ولا ادري بحالي

غير الوطن واملوكه زبن المجنى 

واللي لهم بـ المجد و العز فالي 

وفي الدمام أنا نشأت طيلة زمنا 

عند العظيمة بنت روس الرجالي 

امي حنان القلب شيخة عربنا 

ياجعلها في خلد دوم و ظلالي 

ربيت بـ الأخلاق و الدين دوما 

على احترام الغير طول الليالي 

درست فيه وْ نلت كل ما تمنّى 

 و الحمدلله فيه نلت المنالي 

فيه الامان والامن والله شفنا 

واليا ذكرته طاب حالي وبالي 

بـ عهد الملك فهد فيَ الخير عشنا 

الينْ عَهَدْ سلمان قرم الرجالي 

دونك نسل سيوفنا ياملكنا 

والروح لك ترخص معا كل غالي 

 والختم دام الفخر لك يا وطنا 

و دام عزك دام يا راس مالي

قصيد باسمي هند أحمد وباسم اليتامى